Не паспеў наш часопіс апомніцца ад трыумфальнай перамогі ў конкурсе “TIBO-2011″, як зноў “Вясёлку” прызналі лепшай. Учора, 5 мая, адбылася VII цэрымонія ўзнагароджвання пераможцаў конкурсу сярод друкаваных сродкаў масавай інфармацыі «Золотая литера». Часопіс “Вясёлка” заняў першае месца ў намінацыі “Лепшае дзіцяча-юнацкае выданне”.

Як прыкмеціў галоўны рэдактар часопіса Уладзімір Сцяпанавіч Ліпскі, гэта перамога не толькі творчага калектыву, але і чытачоў, маленькіх аўтараў, якія дасылаюць свае творы ў “Вясёлку”. Віншуем вас, дарагія сябры! Спадзяёмся, што вы і далей будзеце супрацоўнічаць з нашым часопісам!