Сакавік красавіку
Падае як брат руку.
Так гаворыць сакавік:

Малюнак Сяргея Волкава

– Спраў маіх – вялікі лік!
Снег з усёй зямлі прыбраў,
Прыступай ты, брат, да спраў.

Адазваўся красавік:
– Працаваць і я прывык,
Вельмі ж рупіць сёння мне
Даць угрэцца баразне.
Хай да небнай зіхаты
Росла цягнуцца жыты!

І скажу я: браце май,
Плён руплівы мой прымай,
Для таго я ўсё зрабіў,
Каб ты квеценню расцвіў.

Мікола Мятліцкі