Па вясне вярнуўся шпак –

Малюнак Сяргея Волкава

Вось і хатка, родны клён.

Супакоіцца ніяк
Дзень які не можа ён.

З ранку кружыцца ля хаты…
Вераб’ямі дом заняты!!!

І сказаў тады Максім:
«Хопіць месца ў садзе ўсім!»

Сёння новую шпакоўню
Майстраваў ён для шпака.

Аж да ўсходу рыжай поўні
Чуўся грукат малатка.

Папацеў Максім, узмок,
Атрымаўся цуд-дамок!

Шпак на грушыне старой
Спеў заводзіць пад настрой.

Верабей на рослым клёне
З ранку ціўкае-гамоніць.

З гэтай самае пары
Верабей і шпак – сябры.

Мікола МЯТЛІЦКІ